今日超熱, 超曬, 但係偏偏就要成日0係戶外工作...... 著住套勁厚深色制服去郊外, 超熱!!! 一落車我已經feel 到勁熱, 仲不停咁流汗。我個人比較易出汗, 平時由屋企行去巴士站, 幾分鐘我已經流汗流到成個背脊濕哂!!!今日d 汗就流得更勁, 用0左成包紙巾抺汗~~

公司越來越多人知道我要transfer, 今日有兩個同事走0黎問我~~ 本來都唔算係秘密, 不過連我自己都未知幾時會就, 所以唔想咁快咁多人知住, 況且都唔算係一份好工,只係比呢度舒服d,無咁辛苦。其實我真係無諗過會咁多人知, 我lee d small potato, 點會有人有興趣知我嘅0野?!(1)我無諗過一個我唔係under 佢嘅SIO會知, 仲要係另一個同事面前問我幾時走; (2)我亦都無諗過,我SIO會大大聲(又係0係其他同事面前)話:「你都係唔好做xx duty 喇, 你都就0黎走」當時, 我唯有無奈講句:「阿sir, mug 你咁大聲ga?!」(3)我更加無諗過, 我SIO會0係另一個IO面前問我transfer 嘅0野, 但係我一路都睇唔到個IO(我地係房門口附近講, 我0係房, 佢地0係外面, 啱啱我嘅角度睇佢唔到...)一直到阿sir 問完我, 我先見到個IO, 我又唯有講笑咁話:「阿sir, 你偷聲人講0野ga!」SIO竟然話:「唔係呀, 佢光明正大聽ga!」

我都好想可以快d 走, 我唔想再成日OT, 超攰!!! 我唔想成日對住d 犯!! 我唔想成日聽咁多大話......